تكملة المقالة السابقة
الحل بسيط وهو ان احنا مع نهاية كل سنة دراسية بجميع المراحل الدراسية ، نستغل فترة الاجازة دي ن وبدل ما نعمل ندوات فاشلة للمدرسين بيحضرها خمستاشر مدرس من كل محافظة ولا حتى مليون مدرس ونصائح ارشادية ولا تشرب اللبن متأخر ونام بدري والكلام الفاضي ده كله سيبك منه
يتعمل تصفية من ناحية وقبول لاعداد جديدة من ناحية تانية
أوضح أكتر
نمسك مثلاً مدرسة معينة او منطقة معينة في محافظة معينة
ونعمل اختبارات ليهم شاملة كل كل كل كل كل شيء من الألف للياء
على سبيل المثال لا الحصر : اللباقة ، الاهتمامات ، المظهر ، النطق ومخارج الحروف ، نخليه يشرح للجنة دي درس معين مفاجيء مش متمهد ليه ، منتمي لجماعة ولا لفكر ولا مذهب ، كل حاجة يا جماعة
ونبدأ نصفي المدرسين على النحو ده ناخد أفضلهم ونسيب أسوأهم ، حتى مدرس الألعاب ، حتى مدرس الموسيقى ، حتى مدرس الرسم
طيب سؤال ، المدرسين دول نعمل معاهم ايه علان يكونوا راضيين وما يعملوش مظاهرات وبيبوظوا الدنيا في مصر ؟
أول حاجة نكون عادلين ومعلش في دي الكلمة ( نبعد شوية عن موضوع الواسطة ده الله يخليكم ونحاول نعمل حاجة بما يرضي الله مرة في حياتنا )
تاني حاجة نفكر في مشروع مصغر تبدأ الحكومة أو التربية والتعليم تنفذه زي مثلاً ( المشروع القومي لمحاربة الدروس الخصوصية ) وتبقا زي مجموعات تقوية بس بما يرضي الله برضو اللي هيقوم بالتدريس المدرسين اللي قمنا بفصلهم عن التدريس بالمدارس في الحصص اليومية ) ، ونختبرهم ونديهم مدة مثلاً نص سنة دراسية ونشوف الفصل الدراسي الأول ده ، نتائج الطلاب اللي كانوا بيدرسوا ليهم ونعمل استفتاء ، بنعم أو لا ( هل المدرس الفلاني كان مظبوط معاكم ؟ ، ايه اللي بتحبوه منه ، ايه اللي بتكرهوه فيه ؟ وهكذا
ولو لا قدر الله ما نجحش المدرس ده لا في ده ولا في ده يبقا عربية الفول المدمس أولى بيه اللي بتبقا على ناصية الشارع ولو فتح بؤه يبقا بيهزر وعايز يتأدب وينضرب بالعصايه زيه زي التلميذ اللي كان بيضربه هو هو بالعصايه برضو
ده بالنسبة للمدرس اللي موجود بالفعل في المدرسة ومتعين متوظف ومتظبط
طيب بالنسبة للمدرس اللي لسه جاي هنعمل معاه ايه ؟
نعمل معاه نفس اللي عملناه مع المدرس التاني المتثبت المتوظف المتظبط ، يحضر في اللجنة اياها ويختبروه في كل حاجة ، ولو عدا من الاختبارات دي بنجاح يبقا مدرس كفاءة ويستاهل الوطيفة دي ، يبقا كده المدرسين الصح في المكان الصح
سؤال بقا ( طيب هو احنا نضمن منين ان الكفاءة ده هيفضل كفاءة على طول ؟ )
الجاوب بسيط ، انا في البداية خالص كتبت ( الحل بسيط وهو ان احنا مع نهاية كل سنة دراسية بجميع المراحل الدراسية ، نستغل فترة الاجازة دي ) يعني مشوار التصفية ده ساري ع الجديد وع القديم وع اللي دوره جيه النهارده او ع اللي دوره ما جاش ولسه معاده بكرا
اعتقد بكده أكون قدمت نموذج ( حتى ولو كان محتاج للتعديل ) مش مشكلة أهم حاجة ان احنا نبدأ ناخد بإيد مصر بجد ونبدأ نحبها زي ما احنا بندعي حبها مش نحبها اون لاين ونسب فيها اوف لاين والكلام واضح طبعاً
نييجي بقا لنقطة التربية والتعليم او الدور المطلوب منهم علشان نكمل المشروع ده بنجاح هقولكم لكن في المقالة القادمة بإذن الله
تقبلوا تحياتي
الحل بسيط وهو ان احنا مع نهاية كل سنة دراسية بجميع المراحل الدراسية ، نستغل فترة الاجازة دي ن وبدل ما نعمل ندوات فاشلة للمدرسين بيحضرها خمستاشر مدرس من كل محافظة ولا حتى مليون مدرس ونصائح ارشادية ولا تشرب اللبن متأخر ونام بدري والكلام الفاضي ده كله سيبك منه
يتعمل تصفية من ناحية وقبول لاعداد جديدة من ناحية تانية
أوضح أكتر
نمسك مثلاً مدرسة معينة او منطقة معينة في محافظة معينة
ونعمل اختبارات ليهم شاملة كل كل كل كل كل شيء من الألف للياء
على سبيل المثال لا الحصر : اللباقة ، الاهتمامات ، المظهر ، النطق ومخارج الحروف ، نخليه يشرح للجنة دي درس معين مفاجيء مش متمهد ليه ، منتمي لجماعة ولا لفكر ولا مذهب ، كل حاجة يا جماعة
ونبدأ نصفي المدرسين على النحو ده ناخد أفضلهم ونسيب أسوأهم ، حتى مدرس الألعاب ، حتى مدرس الموسيقى ، حتى مدرس الرسم
طيب سؤال ، المدرسين دول نعمل معاهم ايه علان يكونوا راضيين وما يعملوش مظاهرات وبيبوظوا الدنيا في مصر ؟
أول حاجة نكون عادلين ومعلش في دي الكلمة ( نبعد شوية عن موضوع الواسطة ده الله يخليكم ونحاول نعمل حاجة بما يرضي الله مرة في حياتنا )
تاني حاجة نفكر في مشروع مصغر تبدأ الحكومة أو التربية والتعليم تنفذه زي مثلاً ( المشروع القومي لمحاربة الدروس الخصوصية ) وتبقا زي مجموعات تقوية بس بما يرضي الله برضو اللي هيقوم بالتدريس المدرسين اللي قمنا بفصلهم عن التدريس بالمدارس في الحصص اليومية ) ، ونختبرهم ونديهم مدة مثلاً نص سنة دراسية ونشوف الفصل الدراسي الأول ده ، نتائج الطلاب اللي كانوا بيدرسوا ليهم ونعمل استفتاء ، بنعم أو لا ( هل المدرس الفلاني كان مظبوط معاكم ؟ ، ايه اللي بتحبوه منه ، ايه اللي بتكرهوه فيه ؟ وهكذا
ولو لا قدر الله ما نجحش المدرس ده لا في ده ولا في ده يبقا عربية الفول المدمس أولى بيه اللي بتبقا على ناصية الشارع ولو فتح بؤه يبقا بيهزر وعايز يتأدب وينضرب بالعصايه زيه زي التلميذ اللي كان بيضربه هو هو بالعصايه برضو
ده بالنسبة للمدرس اللي موجود بالفعل في المدرسة ومتعين متوظف ومتظبط
طيب بالنسبة للمدرس اللي لسه جاي هنعمل معاه ايه ؟
نعمل معاه نفس اللي عملناه مع المدرس التاني المتثبت المتوظف المتظبط ، يحضر في اللجنة اياها ويختبروه في كل حاجة ، ولو عدا من الاختبارات دي بنجاح يبقا مدرس كفاءة ويستاهل الوطيفة دي ، يبقا كده المدرسين الصح في المكان الصح
سؤال بقا ( طيب هو احنا نضمن منين ان الكفاءة ده هيفضل كفاءة على طول ؟ )
الجاوب بسيط ، انا في البداية خالص كتبت ( الحل بسيط وهو ان احنا مع نهاية كل سنة دراسية بجميع المراحل الدراسية ، نستغل فترة الاجازة دي ) يعني مشوار التصفية ده ساري ع الجديد وع القديم وع اللي دوره جيه النهارده او ع اللي دوره ما جاش ولسه معاده بكرا
اعتقد بكده أكون قدمت نموذج ( حتى ولو كان محتاج للتعديل ) مش مشكلة أهم حاجة ان احنا نبدأ ناخد بإيد مصر بجد ونبدأ نحبها زي ما احنا بندعي حبها مش نحبها اون لاين ونسب فيها اوف لاين والكلام واضح طبعاً
نييجي بقا لنقطة التربية والتعليم او الدور المطلوب منهم علشان نكمل المشروع ده بنجاح هقولكم لكن في المقالة القادمة بإذن الله
تقبلوا تحياتي
0 التعليقات:
إرسال تعليق